نصب: محاولة النصب على باوك اليوناني
سنة 2007 شيكابالا رجع من اليونان وكان عاوز يقعد في مصر .. مضى للأهلي والاهلي تفاوض مع باوك على سعر .. لما مضى للأهلي الزمالك جري عليه وقالوله تعالى هنمضيك وترجع الزمالك .. الأهلي اداله عقوده دون أي مشاكل .. الزمالك استنصح وقالك بدل ما نتفاوض مع النادي اليوناني تاني زي الأهلي احنا نقولهم عنده جيش ومش هينفع يسافر وفعلا قعدوه في مصر وطلعله بطاقة مؤقتة وباوك راح اشتكى للفيفا وخد غرامة مليون يورو تقريبا
يهمنا بقى اولا الجزء اللي بالاحمر ده .. عضو مجلس ادارة بيقول بالبلدي كده قشطة احنا الكسبانين ونبقى كده ضحكنا عليهم وخدناه بمبلغ قليل وده سعر مش كبير للصفقة .. وده للاخ اللي بيقولك هاتولنا حالة واحدة الزمالك اتعامل فيها بشكل غير اخلاقي في التعاقدات 
.. دي كده الحالة السادسة
” من ناحية أخري صرح أحمد توفيق حافظ ـ عضو مجلس إدارة الزمالك : إن قرار الفيفا بالغرامة مليون يورو يعتبر انتصارا للزمالك لأنه تعاقد مع اللاعب لمدة 5 سنوات مقبلة وحصل علي خدمات اللاعب رغما عن نادي باوك اليوناني لرغبة اللاعب في إرتداء الفانلة البيضاء مرة أخري . ”
الحاجة التانية ان الزمالك بعد ما نصب على باوك جه بعد 10 سنين نصب على شيكابالا لما حاول يمشي من الزمالك وقالوله على فين يا هدهد الجناين .. الغرامة المليون يورو دي كانت عليك انت ولازم تدفعها .. وتدفعها بالجنيه بسعر النهاردة
نصب مزدوج رايح جاي
الحاجة التالتة هي اختراع حسن شحاتة ظلم شيكابالا .. لان اصلا بغض النظر عن ان مستوى شيكابالا مكانش يؤهله يروح المنتخب وقتها في وجود الجيل الذهبي للمنتخب فهو كان موقوف محليا قبل بطولة 2008 ومبيلعبش .. وانه لما جاتله فرصة يجامل شيكابالا سنة 2010 خده في القايمة كمالة عدد .. علما بأن شيكابالا أصلا كان موقوف من المنتخبات لمدة سنة في يونيو 2007 بعد تقرير كابتن محمود بكر بسوء سلوكه هو واحمد غانم سلطان وعبد العزيز توفيق مع المنتخب الاوليمبي .. لكن اتحاد الكورة تراجع ورفع الايقاف تمهيدا احتمالية ضمه للمنتخب لكن قرار الايقاف قضى على اي احتمالية لضمه
هل اعجبك محتوى الصفحة؟
تساعدنا ملاحظاتك على تحسين محتوانا.
- المقال السابق
- المقال التالي