اكذوبة ان المحكمة الرياضية وابراهيم سعيد

من كبرى الأكذوبات اللي بيقولها رموز الجمهور الزملكاوي خصوصا عفيفي والفخراني اختراع ان المحكمة الرياضية اتعملت عشان تحكم بغرامة كبيرة على ابراهيم سعيد واتلغت تاني

الحقيقة ان المحكمة الرياضية اتعملت بسبب مشكلة مباراة المصري وبلدية المحلة فبورسعيد في الدور التاني من دوري 2003-2004 .. المباراة شهدت اخطاء تحكيمية من - سبحان الله - فهيم عمر .. جمهور المصري عمل شغب كالمعتاد .. اتحاد الكورة قرر لعب مباراة المصري التالية بدون جمهور .. الماتش اللي بعده كان ماتش الأهلي .. وزارة الرياضة بعتت لاتحاد الكورة ان لعب المباراة فبورسعيد من غير جمهور طالما هتلعبها من غير جمهور انقلها من بورسعيد .. اتحاد الكورة قال يبقى تروح المكس في اسكندرية .. النادي المصري رفض وراح رفع قضية فمحكمة مدنية وكسبها .. كان وقتها محطوطة المادة بتاعة منع اللجوء للمحاكم المدنية فالفيفا قبلها ب 4 شهور تقريبا حسب تصريحات اتحاد الكورة وقتها .. وزارة الرياضة قدمت استئناف والماتش اتأجل واتحاد الكورة بعت للمصري ان اللجوء للمحاكم المدنية ممنوع من الفيفا وانه لازم يتنازل عن القضية في الاستئناف .. بس عشان تمنع اللجوء للمحكمة المدنية لازم تعمل محكمة رياضية .. فاتعملت المحكمة الرياضية في ابريل 2004 قبل انتقال ابراهيم سعيد للزمالك أصلا .. في الفترة دي كان كمال درويش لسة رئيس الزمالك وكان رافض التعاقد مع ابراهيم سعيد هو و 8 من مجلس الإدارة .. وعلى فكرة اول حكم ليها كان لصالح المصري والاهلي راح لعب مع المصري في بورسعيد

الصورة لتاريخ انشاء المحكمة من جريدة الأهرام .. وفي صورة تانية في الكومنتات لمشكلة ماتش المصري وتاريخها وتشكيل المحكمة واول قضية ليها