فساد: اتحاد الكره لتوثيق عقد كهربا بعد المده القانونيه

سنة 2015 الزمالك تعاقد مع كهربا .. وهو رايح اعارة الزمالك جددله .. وهو بيجدد الإعارة السنة اللي فاتت جددله تاني .. والعقدين متوثقوش

عشان توثق العقد بتروح تدفع نسبة معينة من مجمل العقد لحساب اتحاد الكورة وتجدد .. الزمالك في المرة التانية دفع الفلوس بس مراحش سجل العقد

قبل بداية الموسم الحالي الزمالك اكتشف ان كهربا مكانش مقيد في الإعارات وانه المفروض يبقى فري .. المشكلة الأكبر والأهم ان اللايحة بتقول ان في حالة توقيع عقد جديد للاعب لابد من تسجيله .. تاني تسجيله .. تالت تسجيله خلال شهر .. وقتها كان فات 11 شهر على توقيع العقد فمينفعش يتسجل

النهاردة مرتضى منصور أعلن ان كهربا مرتبط بعقد مع الزمالك ونزل صورة العقد .. المشكلة ان العقد طلع العقد القديم بتاريخ شهر 8 - 2017 .. يعني الزمالك قدر يسجل العقد اللي كل مصر عارفة انه مكانش متسجل بعد توقيعه ب 11 شهر

المشكلة كلها في ان اتحاد الكورة سجل للزمالك عقد بعد مرور المدة القانونية للتسجيل بحيث اصبح القعد ملغي

نفتكر جنب ده البيان بتاع شيكابالا اللي قال ان الزمالك قدر يسجله عقد ممضاهوش وميعرفش عنه حاجة