فساد: حلمي زامورا يتسبب في حرمان الاهلي من لقب دوري 1955

سنة 55 وقبل جولتين من نهاية الدوري كان الاهلي بيلاعب الترام في التتش في مباراة يحكمها حسين إمام ( عم حمادة إمام أسطورة الزمالك وأخو يحيى الحرية إمام حارس الزمالك أبو حمادة وجد حازم ) ويساعده حلمي زمورا ( رئيس الزمالك التاريخي ) .. الأهلي متقدم بهدف وتوني لاعب الترام ضرب مدافع الأهلي طلعت عبد الحميد بالقفا .. طرده حسين إمام .. نزل حلمي زامورا الملعب والقانون وقتها مكانش يسمحله بده وقاله اطرد طلعت كمان وده برضه مش مسموحله هو يقوله اللي حصل بس وهو يقرر .. رفض حسين لانه مش سلطة المساعد اتخاذ القرار .. واستكملت المباراة وفاز الأهلي وتساوى في النقاط مع الزمالك ( الأهلي يتفوق في المواجهات المباشرة فاز ماتش وتعادلوا ماتش ) .. كتب حسين إمام تقريره باللي شافه وكتب حلمي زامورا تقرير ان مدافع الأهلي كان لازم يتطرد .. العجيب ان اتحاد الكورة خد بتقرير المساعد وقرر ايقاف لاعب الأهلي اللي متطردش واعادة المباراة في طنطا .. رفض الأهلي وتمسك بتقرير حكم المباراة فتراجع الاتحاد وقرر اعتماد النتيجة ونقل مبارة الأهلي الاخيرة ف ملعبه برة ملعبه بدون جمهور وكأن المنطق أي عقوبة وخلاص أيا كانت مهما كانت مش منطقية .. رفض برضه الأهلي وبعت للاتحاد بانه هيلغي النشاط وانه مش شايف أي سبب لعقوبات لان حكم لمباراة لم يذكر أي سبب ومش منطقي يتعاقب الأهلي بتقرير المساعد حلمي زمورا خلافا لتقرير الحكم .. في الفترة دي كان الزمالك لعب آخر جولتين وكسب ماتش وخسر ماتش والاهلي بقى أقرب للدوري لكن الدوري لم يستكمل وألغي وضاع على الأهلي لقب كان في المتناول وكان يكفيه الفوز في ملعبه والتعادل خارج أرضه بالجولة الأخيرة مع القناة للفوز بالدوري رسميا .. لكن الأزمة اللي صنعها الزملكاوي حلمي زامورا لاعب الزمالك السابق قبلها لمدة 14 سنة ورئيس الزمالك فيما بعد تسببت في ضياع لقب الدوري من الأهلي

ده التحكيم بناء على أهواء بجد والثابت تاريخيا ومحدش يقدر ينكره .. مش الهري والهبد اللي بنشوفه

الصورة لمحضر جلسة الاهلي - من أرشيف الاهلي دوت كوم - الاستاذ محمد مصطفى