بطولة حرام: فوز الزمالك ب دوري 1928 - 1929 بالتفويت

موسم 1928- 1929 كان الصراع على أشده بين الأهلي والمختلط على بطولة دوري القاهرة وقبل نهاية الدوري بـ 3 جولات كان الأهلي متقدم بنقطة والمختلط عنده ماتش مصيري قدام الترسانة القوي ، فالحل إن المختلط لازم يكسب عشان يتخطى الأهلي

فجأة وبلا سابق إنذار الناس سمعت إن الترسانة عايز ينسحب من المباراة .. إيه ده بقى؟ هنا جريدة المصور ابتدت تشعر إن في الأمر شئ وطبعاً هييجي جاهل عقله” أبيض ” يسأل عن قيمة جريدة المصور أقوله إنها أكبر جريدة مصرية ( آنذاك) وشبه الوحيدة إللي عندها قسم رياضي أو صفحة رياضية

المصور قررت ترصد الحدث قبل وأثناء وبعد المباراة

بدأوا بالترسانة وسألوهم لكن حرج الأمر خلاهم يقولوا إنهم مش عايزين ينسحبوا بس كانوا عايزين المباراة تتاجل عشان في لعيبة مصابة لكنهم خلاص هيلعبوا والجريدة بتقولك إن الخطة كانت إقامة المباراة بشكل (صوري ) وهتعرف ده من تسلسل الأحداث

الجريدة بتقول إنهم راحوا مقر نادي المختلط وقالوا حرفياً ” رأينا الألسنة تتحدث عن الإتفاق بين الناديين ووجدنا إجماع عليه ” .. ودي كانت أول حقيقة

بدأ الماتش الساعة ٣ وربع ولقوا المختلط نازل من غير رئيسه حسين حجازي و الترسانة نازل من غير أهم 3 لاعبين ( علي رياض - منصوب - كامل مسعود ) طقم الجريدة راح لـ كامل مسعود قالوله :

• خير ياكابتن ليه مش بتلعب ؟ = قالهم أصل أنا مصاب في رجلي اليمين ومسك الشمال وقالهم هأ هأ هأ .. والجريدة طلعت بحقيقة تانية - مفيش مصابين

جمهور الماتش كان بيتكلم عن التفويت وابتدى يوجه كلامه لمهران نجم الترسانة إللي وصفوه بالمتهاون لأنه راح بانفرادات وضيعها الجريدة قالت إنه” كظم في قلبه مالم يستطع أن ينطق به لسانه ” هههههههه !

بعدها كمان زمايله فصيح وخلوصي راحوا بانفرادات وطوحوها !

في الدقيقة ٤٠ لاعب المختلط صادق العجوز أحرز هدف وبعدها الجريدة بتقولك إنه مثل دوره في الهدف الأول واحرز هدف تاني بنفس الشكل لكن بعد الهدف حصل الحقيقة التالتة إللي معاها سكت كل الكلام ولقوا مهران نجم الترسانة إللي ضيع الانفراد رايح يحتفل بهدف المختلط ويصافح العجوز !! وده رصدته الجريدة باُم العين

العجيب يأخي إن مباراة حاسمة من ٩٠ دقيقة ومافيهاش مخالفة واحدة في الماتش ههههههههههههه يمكن دي المباراة الوحيدة في التاريخ إللي ماتحسبش فيها فاول واحد !!

المباراة دي أقيمت يوم ٢٢ مارس ١٩٢٩ وتفاصيل الواقعة - إللي بتنشر للمرة الأولى - من جريدة المصور الصادرة بتاريخ ٢٩ مارس ١٩٢٩ والتاريخ ده عشان الجاهل إللي هيشكك في الواقعة والمصادر يبقى عنده فرصة يروح دار الكتب والوثائق يبحث عن العدد ويتأكد .