صفقات مشبوهه: على هاني سعيد واجباره على التوقيع للزمالك

- سنة 2008 هاني سعيد وهو فعزه اتفق مع الزمالك على التوقيع للزمالك وهو فالاسماعيلي بدون تفاصيل مبدئيا .. بشرط ان العقود تبقى مع عبد المنصف صاحبه عشان لو غير رغبته يسترد العقود .. جه بعدها يقعد عشان يتفقوا قالهم عاوز احط شرط جزائي بعد أول سنة ورفضوا .. قالهم طيب هاخد العقود من عبد المنصف قالوله لا يا حبيبي خلاص انت ماضي واحنا هناخد العقود واخبط راسك فالحيط .. هاني سعيد كلم عبد المنصف قاله انزلي نروح النادي مع بعض .. راحله مع واحد صاحبه وخد منه العقود اداها لصاحبه وقاله امشي وانا هروح مع عبد المنصف عشان مورطوش فمشكلة .. راح الزمالك عشان يعتذرلهم ويمشي عشان يطلع عبد المنصف من الحوار .. لقى ممدوح عباس قاعد ببودي جارداته ومش عارف يخرج ولا يخلع .. قالهم طيب انا ورايا مشوار هروحه ونكمل بعدين .. قالوله امضي الاول على الاستمارات وبعدين امشي .. اضطر يمضي عشان يمشي وبعد كده اكتشف ان الإداري حط فوسط الاستمارات ورقة رغبة موجهة .. فالزمالك راح اتفق مع الاسماعيلي وبقى معاه استغنا ورغبة وعبدوالمنصف راح عمل محضر لهاني سعيد فالقسم انه جاب بلطجية سرقوا منه العقود .. وراح سجل اللاعب بدون رغبته .. واتحاد الكورة قاله مقدامكش غير انك تلعب للزمالك.